Arrasateko habitat naturalak liburu bihurtuta
Zuriñe
Velez de Mendizabal
Deba Goieneko kultur albisteak helarazteko:
zurkain@euskalnet.net
Urtzi
Mendizabal arrasatearrak eta Rosa Agirrebeña bergararrak, Arrasateko
Txoko Naturalak deituriko liburua kaleratu berri dute. Bi egileek naturarekiko
grina izan dute txikitatik, eta Biologia ikasketak egin zituzten. Urtebeteko
ikerketa lana egin eta beste urte eta erdi liburuan emaitzak jasotzen aritu
ondoren, urriaren 13an aurkeztu zuten liburua Arrasateko Monterron Kultur
Etxean.
Liburuarekin, Arrasateko ekosistemen balio naturalei buruzko emaitzak herrian zabaldu eta ingurugiroarekiko sentsibilizazioa bultzatu nahi dute bi biologoek. Hamabi ekosistema atzeman dituzte ikerketaren emaitzan, eta horien ezaugarriei buruzko informazioa ere ematen da. Azken batean, ekosistemaren presentzia bermatu beharrekoa dela ondorioztatzen dute, bai eta bio-aniztasuna suntsitzen duten inpaktu txikiko ekintzak bultzatzea ere. Liburua euskara batuan idatzirik dagoen arren, gertukoen adierazpenak, Udalako artzainarenak kasu, herriko euskaran jaso dituzte. Liburua astelehenaz geroztik salgai dago 9 eurotako salneurrian.
 |
| Arrasate Press |
Aurkezpenean, egileekin batera Joseba Ugalde Ingurugiro zinegotzia (ezkerretik hasita lehena) eta Ignazio Lakuntza herriko alkatea (bigarrena) egon ziren.
euskonews@euskonews.com
