Azaroan ere, kultura nagusi
Zuriñe
Velez de Mendizabal
Deba Goieneko kultur albisteak helarazteko:
zurkain@euskalnet.net
Udazken Kulturala aurrera doa. Laugarren astea bete berri du eta bosgarrenerako ere hainbat ekitaldi antolatu dira Bergaran. Azaroaren 4an Historiari buruzko hitzaldia izango da Migel Altuna Institutuan, arratsaldeko 7,30etan. Hitzaldia Bergara, historia topagunia zikloaren barruan egingo da.
Urriaren 6an aldiz, Pello Zabalak hitzaldia eskainiko du arratsaldeko 7,30etan Udaletxeko areto nagusian. Eguraldi gizonak Eguraldi iragarpena: tenporak ala isobara mapak? gaiari buruz egingo du berba.
Ostiralean, hilak 7, Italiako antzerki talde batek bere antzezlana taularatuko du Zabalotegi aretoan. Brescia herrikoak dira artistak, eta Fabbrica del Vento da beraien izena. Sgórbypark antzezlana ikustera gerturatu nahi izanez gero, ordaindu egin beharko da sarrera.
Kultura etxean aldiz, gaur, urriaren 31an hasi eta azaroaren 9ra bitartean, Sara Otañoren pintura erakusketa egongo da.
euskonews@euskonews.com
