Gabonetako Erakusleiho-Lehiaketa
Zuriñe
Velez de Mendizabal
Deba Goieneko kultur albisteak helarazteko:
zurkain@euskalnet.net
Datozen Gabonetan Bergarako merkatariek “2003ko Eskaparate-Lehiaketan” parte hartuko dute. Antolatzailea herriko Udala da eta bertan parte-hartzeko, komertzioek ez dute izenik eman beharko, guztiak hartuko baitira kontutan.
Antolatzaileen esanetan, garrantzitsua izango da erakusleiho
bakoitzaren publizitate-mezuaren imajinazioa, originaltasuna eta eraginkortasuna.
Erakusleihoak abenduaren 10 eta 27 bitartean prestatuta egon beharko dute.
Bertan, dendak saltzen dituen produktuak agertu beharko dira. Antolatzaileek
eskaera bat egin diete dendariei: apainketarako erratz eta izei naturala eta
gorosti eta goroldiorik ez erabiltzea.
Hiru sari banatuko dira, irabazle bakoitzarentzat 250 euro eta garaikurra.
Garaileak aukeratzeko epaimahaia Kultur Taldeek, Gazteria eta Jaiak Batzordea,
eta beste hainbat herri-eragileko pertsonek osatuko dute. Hauek, abenduaren
19an emango dute irabazleen izena, baina ez dute derrigor hiru denda sarituko,
egoki deritzon sariak hutsik uzteko eskubidea baitu epaimahaiak. Beraz, herriko
erakusleihoa txukun eta apainduena izan nahi duen edozein komertziok denbora
du aurtengo sariketan garaile irteteko.
euskonews@euskonews.com
