Sahararren Herria iruditan
Zuriñe
Velez de Mendizabal
Deba Goieneko kultur albisteak helarazteko:
zurkain@euskalnet.net
Monterron Kultura Etxean ohikoak dira beheko solairuan egiten diren erakusketak. Urtarrilaren 12an hasi zen Mendebaldeko Sahara protagonistatzat duen azken erakusketa, eta gaur itxiko ditu ateak. Marokoren menpe dauden lurraldeen irudiak aurki ditzake erakusketara gerturatzen den edonork. Argazkien egileak Xavier Errasti, Jerras eta Idoia Zabaleta izan dira.
 |
| Hogeita hamaika argazki aurki daitezke Monterronen. (Arg. Z.V.M) |
Bertako bizimodua erakusten dute argazkiek, bizitza gogorra, baina sarri lasaia ere izaten dena; argazkiek desertutik hasi eta itsasorainoko paisaiak azaltzen dituzte. Sahararren bizimoduan ohikoak diren figurak agertzen dira, gameluak, tea,... Emakumeen janzkera koloretsuak ere harrapatu nahi izan dituzte argazkilariek beraien kamarekin.
Euskadiko Saharar Errepublika Arabiar Demokratikoaren (RASD) Lagunen elkarteak errefuxiatuentzat elikagai biketa bat egiteko kanpaina jarri zuen abian 2003an. Eta aurtengo Santamasetako txerri zozketako irabazlea azaldu ez denez, saria (500 euro) kanpaina horretarako elkarteari ematea adostu du Udalak.
euskonews@euskonews.com
