2007.09.27

Estreinaldirik gabe ospatu zen Euskal Zinemaren eguna

Pasaden urteko edizioan Aupa Etxebeste!, Kutsidazu bidea, Ixabel, Nomadak Tx edo Agian bezalako filmen estreinaldiak ikusi ahal izan genituen. Aurten, aldiz, ez da euskarazko filmik aurkeztu Zinemaldian. Dena den, atzo Euskal Zinemaren Eguna ospatu zen, Ibaia, Euskal Ekoizle Burujabeen Elkarteak, eta Zinemaldiak antolatuta.

Julio Medemen Caótica Ana filmaren fotograma.

Príncipe Zineman gauzatu zen jardunaldia eta egunean zehar animazioa, fikzioa, dokumentala, laburmetraiak eta Euskal Filmategiaren hainbat ekarpen ikusi ahal izan ziren: Carlos de Llanosen Gente de mar, Pedro Olearen Akelarre, Pablo Malo zuzendariaren La sombra de nadie, Betizu eta Xangaduko misterioa, Cristobal Molon, Julio Medemen Caótica Ana... eta baita, Kimuaken 10 urteetako film onenen bilduma ere.

Betizu eta Xangaduko misterioa.

Gauez, María Cristina Hotelean gala eta Ibaia, Amalur eta Berria sarien banaketa izan zen. Hurrenez hurren, Querida Bamako filmak, Alberto Iglesias musikariak, eta Ane Muñozen Loturak laburrak jaso zituzten sariak.

Pedro Olearen, Gente de mar filmaren fotograma.