Euskonews-en zure iritzien berri izan nahi dugu. Bidal itzazu!
Euskonews aldizkarian parte hartu nahi al duzu?
Artetsu Saria 2005
Arbaso Elkarteak Eusko Ikaskuntzari 2005eko Artetsu sarietako bat eman dio Euskonewseko Artisautza atalarengatik
Buber Saria 2003
On line komunikabide onenari Buber Saria 2003. Euskonews y Media
Argia Saria 1999
Astekari elektronikoari Merezimenduzko Saria
Egilea: Angel Bados
Argitaratzailea: Jorge Oteiza Museo Fundazioa
Orrialde kopurua: 451
ISBN: 84-935542-8-6
Ezaugarriak: Jorge Oteizaren izaera idealistak,
bere bizitza osoan zehar, izenik ez duena izendatzera, irudikapenaren mugetan
jardutera eraman zuen. Hauxe da bere Laborategi Esperimentala, eskultorearen
sortze prozesuaren elementu nagusietakoa garatu duen tokia; eta Oteiza Museoak,
orain, aztertu eta berrikusi egin du, izen bereko Angel Badosen lanaren argitalpenaz.
Oteizak material hurbileko eta maneiagarriak landu zituen bere Laborategian,
eskaiola edo zinkezko xafla alegia, aukera ematen baitzioten oso objektu estruktural
zehatzei, esaterako “estatuaren desokupazioa hiperboloidearen eta argi-moduluen
bidez” edota “kuboaren eta esferaren desokupazioa” izenekoei
modu zuzen batez ekiteko. Aldi berean, sorta esperimentalen prozedurak eskulturazkoa
“errepikatzea” sustatu zuen, soluzio ugari eta delikatuen bidez;
eta soluzio multzo horrek, azkenean, lortu egiten du ideiaren irudikapenetik
haratago dagoena adieraztea. Are gehiago, artearen teknika da hori erausten
ausartzen den bakarra.
Argitalpen honek Oteizaren eskultura prozesuei lotutako 1.600 pieza esperimental
baino gehiago ikertzen ditu, Oteizak 1950 eta 1974 bitartean egindako 12 serie
edo sorta esperimentaletan bilduta. Berrogeita hamarreko urteetako laborategiarekin
hasten da liburua, eta Arantzazuko proiektua eta Sao Paulorako lanak jasotzeaz
gain, aurkeztu egiten digu 1959an, Oteizak lantegitik irten eta hezkuntza
eta kultur proiektuetan murgilduko zela iragarri zuenean, Propósito
Experimental-ak iritsitako konklusioa. Amaitzeko, 1969an egindako Arantzazuko
pietaterako estudioak eta 1972-73ko urteetako Klarion Laborategia ditugu.
Laborategiaren berrikuspen hau “artista baten obraren eta artearen beraren
barnera iristea da”, diosku Badosek. Ildo honetatik, egilearen hitzetan
Laborategia zera da: “artistak asmatzen duena, bere ideia estetikoetatik
beretatik at bidera eta gauza dadin”. Laborategian, “Oteizaren
alderdi pribatuaren eta publikoaren arteko lotura gauzatzen da, eskultorearen
jakinduria adierazi ahal izateko operazio bat da”.
