Euskonews-en zure iritzien berri izan nahi dugu. Bidal itzazu!
Euskonews aldizkarian parte hartu nahi al duzu?
Artetsu Saria 2005
Arbaso Elkarteak Eusko Ikaskuntzari 2005eko Artetsu sarietako bat eman dio Euskonewseko Artisautza atalarengatik
Buber Saria 2003
On line komunikabide onenari Buber Saria 2003. Euskonews y Media
Argia Saria 1999
Astekari elektronikoari Merezimenduzko Saria
Egilea: Maritxu Murua Olaizola
Argitaletxea: Elkar, 2010
ISBN: 978-84-9783-829-0
Ezaugarriak: Nelson Mandela XX. mendeko bigarren erdia markatu duten pertsonari handienetako bat da, bere helduaroaren erdia (27 urte) kartzelan igaro arren. Apartheid-aren kontrako borrokalari nekagaitza eta Hegoafrika berriaren aita ez ezik, mundu osoarentzat bihurtu da duintasun pertsonalaren eredu, baita politikaren nobleziaren adibide garbiena ere.
“Gure herrian lehenik espetxera goaz eta gero lehendakari bihurtzen gara”
1918an jaio zen Mandela, Hegoafrika britainiarren menpe zegoela. Tribuko aristokraziako semea izanda, unibertsitatean ikasteko aukera izan zuen; gaztaro alai eta nahiko axolagabea bizi izan zuen, baina berak eta bere arrazakoek bizi zuten arrazakeriak politikan engaiatzera eraman zuten. ANC (Afrikar Kongresu Nazionala) alderdiko lider karismatikoenetako bat izan zen, baita jazartuenetakoa ere.
Politikaren bake-bideak antzuak zirela-eta, alderdiaren adar armatua sortzea erabaki zuen. Kartzelan eduki zuten 27 urtean, baina bertan zegoela hasi zituen Gobernuarekiko elkarrizketak, apartheid sistema aldatzeko. Hauteskunde libreak egin zirenean, Hegoafrikako lehenengo lehendakari beltza bihurtu zen 1994an. 1999an kargu guztiak utzi zituen.
