Fuente: Argia - Gure mendea
Jules Moulier, Oxobi.
Bidarrain sortua, Biarnon egin zituen apaizgaitegiko azken urteak. Herriminak bultzatu omen zuen idaztera eta euskara eta euskal kultura sustatzera. 1912an Hiriburun apaiztu eta Hiriart-Urrutiri laguntzen aritu zen. Beste hainbat apaiz euskaltzalerekin batera Gure Herria aldizkaria sortu zuen 1921ean eta lehen urteetan bere gain hartu omen zuen aldizkariko lan-kargarik handiena.
Literaturari dagokionez, poesian nabarmendu zen batik bat, 1914an argitaratutako “Bihotz-oihu-deiadar-nigar” liburuan erakutsi zuen bere maisutasuna. Baina bestelako liburuak ere bazituen: “Alegiak” bertsotan idatzitako fabulak, 1926an argitara emanak, “Heiatik zerura” (1935), “Haur-elhe haurrentzat” (1944), “Aintzina” (1944), “Oxalde” (1949).
