Euskonews & Media.
100 ale (1998-2000)
Egilea: Hainbat
Argitaletxea: Eusko Ikaskuntza
ISSN: 1139-3629
Ezaugarriak: CD-Rom honek Euskonews & Media
aldizkariaren lehen 100 aleak biltzen ditu, artikulu, irudi, argazki eta soinu
guztiekin. Eusko Ikaskuntzak euskal zientzia eta kultura zabaltzeko teknologi
berriak eskaintzen dituzten aurkera paregabeaz baliatuz, 1998ko irailaren
8an astekari elektroniko honen lehen alea sarean jartzen du. 2000ko azaroaren
17an, 100. Alea argitaratzen da eta hau ospatu nahiean, CD-Rom berezi hau
kaleratzen du Eusko Ikaskuntzak. CD-Rom-aren erabilpenerako Windows 95 edo
98 behar da. Autorun-ez horniturik dago. Automatikoki martxan jartzen ez bada
egin klik index artxiboan.
Historiaurrea Euskal Herrian
Egileak: Hainbat
Argitaletxea: Eusko Ikaskuntza
ISBN: 84-8419-902-9
Ezaugarriak: Euskal Historiaurrearen aldi nagusiei
dagozkien ondoz ondoko zortzi moduluen bitartez -Behe, Erdi eta Goi Paleolitoa,
Epipaleolitoa, Neolitoa, Kalkolitoa, Brontze Aroa eta Burdin Aroa-, Historiaurre
horretaz gaur egun dugun ezagueraren egoera aurkezten da hemen. Aro bakoitzaren
sarreran aurkeztu edukiak ulertzea guztiz baliagarria izango zaigu historiaurreko
izakiak mehatxatzen dituzten arriskuen artean bizirik iraun ahal izateko,
bai eta ondoko garai batean jokoan aurrera jarraitzeko ere… Horrela, gure
antzina-antzinako iraganaz jolas bidez ikasteko modu atsegina duzu hauxe.
Donostiako estropadak
Egileak: Rafael Aguirre
Argitaletxea: Kutxa Fundazioa
Orrialde kopurua: 360
ISBN: : 84-7173-414-1
Ezaugarriak: 1879an, lehen aldiz, Juan Maria Errazu
buru zuen Donostiako Udalak arrantza-traineruen lehiaketa antolatu zuen, berau
udako jai–egitarauaren barruan kokatuz. Beraz, duela 123 urte hasi zen
historia da eta, lehen aroan, nahiz eta Udalak estropadetarako deia egin,
jarraipena falta nagusitu zitzaion, ontziek ez baitzuten izenik ematen urte
edo bolada hartan arrantza ona suertatzen baldin bazen. Gerora, XX.mendearen
hasieran ere izan ziren estropadarik gabeko urteak, antolatzaileek bela-ontzien
eta beste arraun-mota exotiko batzuk bultzatzeko asmotan sariak etengabe murrizteak
ekarri ohi zituen gabeziak eraginda.
Kontxako Estropadak lehen urtetik jarraitu ziren, era sutsuan jarraitu ere,
eta jendetza handiak bildu ohi ziren bertan, garraiobideak oso urriak ziren
garai haietan. Arrakastaren gakoa, ordurako arrantzale-koadrilen eta itsasaldeko
herrien arteko lehian aurki daiteke; horretaz gain, dirutza handiko apustuek
ere piztu zuten traineruen arteko norgehiagoka hura.
Urteen poderioz, eraldatuz joan ziren poliki-poliki Kontxako estropadak. Baporeak
arrauna ordeztu zuen arrantzuntziak bulkatzeko sistema gisa eta traineruak
lehiarako bakarrik egiten ziren. Koadrilak lehorreko arraunlariekin indartu
ziren, berauen lanak entrenamenduetan jarraipen handiagoa egiteko aukera ematen
baitzien. Baina arraunlaria herriarekin uztartzen saiatu izan da beti.
Etnografía de Bermeo
Egileak: Anton Erkoreka
Argitaletxea: Doniene
Orrialde kopurua: 351
ISBN: 84-931626-0-4
Ezaugarriak: La etnografía es la ciencia
que describe, estudia, la cultura de un pueblo, de una sociedad, de un grupo
humano. Etnografía viene de ethnos (grupo humano, cultura) y graphos
(descripción). Según Lévi-Strauss “la etnografía
consiste en la observación y el análisis de grupos humanos considerados
en su particularidad y que busca restituir, con la mayor fidelidad posible,
la vida de cada uno de ellos, mientras que la etnología utiliza de
manera comparativa los documentos presentados por el etnógrafo...la
etnología corresponde aproximadamente a lo que en los países
anglosajones se entiende por antropología social y cultural”.
euskonews@euskonews.com
