2005.09.19

Donostia Saria, izar handiei gorazarrea

Aurpegi ezagun bezain zorrotza, karismatikoa, izan da azken egunotan Donostian, kazetari, bisitari, zinemazale eta kuriosoen mira, Willem Dafoe aktorearena. Duela 50 urte Appletonen (Wisconsin) jaiotako gizon honek Donostia Saria jaso zuen igandean. Komunikabideei omenaldi honetarako bere burua gazteegitzat jotzen zuela adierazi zien, baina, hala ere, poztasun handiz jaso zuen golardoa, Donostian gustura sentitzen dela aipatuz, benetako zinemazaleak dauden hiria izaki. 53. edizio honek Ben Gazzara ere omenduko du, John Cassavetes edo Peter Bogdanovich bezalako zuzendariei lotuta dagoen aktorea, hain zuzen ere. Biek, Gazzarak eta Dafoek, Hollywoodeko industriak markatutako kartetatik kanpo dauden arrisku handiagoko pelikulatan parte hartzea erabaki dute.

Donostia Saria

Zinemaldiak zinearen izar handi bati gorazarre egiten dio bere jardunbidea goraipatzeko, 1986 urtean sortu zen Donostia Sariaren bidez. Lehendabizikoa Gregory Peck izan zen eta ondoren: Glenn Ford (1987), Vittorio Gassman (1988), Bette Davis (1989), Claudette Colbert (1990), Anthony Perkins (1991), Lauren Bacall (1992), Robert Mitchum (1993), Lana Turner (1994), Susan Sarandon eta Catherine Deneuve (1995), Al Pacino (1996), Michael Douglas, Jeremy Irons eta Jeanne Moreau (1997), John Malkovich eta Anthony Hopkins (1998), Fernando Fernán-Gómez, Vanesa Redgrave eta Angélica Huston (1999), Michael Caine eta Robert De Niro (2000), Julie Andrews, Warren Beatty eta Francisco Rabal (2001), Jessica Lange, Bob Hoskins, Dennis Hopper eta Francis Ford Coppola (2002), Isabelle Huppert, Sean Penn eta Robert Duvall (2003), Woody Allen, Annette Bening eta Jeff Bridges (2004).