Euskonews-en zure iritzien berri izan nahi dugu. Bidal itzazu!
Euskonews aldizkarian parte hartu nahi al duzu?
Artetsu Saria 2005
Arbaso Elkarteak Eusko Ikaskuntzari 2005eko Artetsu sarietako bat eman dio Euskonewseko Artisautza atalarengatik
Buber Saria 2003
On line komunikabide onenari Buber Saria 2003. Euskonews y Media
Argia Saria 1999
Astekari elektronikoari Merezimenduzko Saria
Egilea: Axun Aierbe Mendizabal
Argitaletxea: UPV/EHU
Orrialde kopurua: 162
ISBN: 978-84-9860-108-4
Ezaugarriak: Euskal Literatura Sailak leiho berria
zabaldu nahi du, hain zuzen ere, euskal irakurleen begiradak zabalarazteko
asmoa duen leihoa. Euskal literaturaren eremuari so egiteko beste zabalgune
bat abiarazteko asmoa duen sail honekin ez da leiho zurrunik sortu nahi; eredu,
uste eta ertz askotariko leihoburu eta leiho-zangoz begirada leihoa zabaldu
nahi da, kontraleiho eta leihosare hainbati bide emanez.
Sail berri honek euskal literaturaz hausnartzeko, gozatzeko eta eztabaidatzeko
gunea izan nahi du, alegia, euskal literaturaren alorrari patxadaz, zuhurtziaz,
baita pasioz ere, begiratuko dion leihoa izan nahi du.
Uste dugu oso garrantzitsua dela euskal literatura gaztelaniara eta beste
hizkuntza batzuetara itzuli eta beste literatura-sistema batzuetan txertatzea,
euskal literatura munduko beste literaturekin parekatu eta beste literaturekiko
homologagarri izateko eskaintzen duen aukeragatik. Ezin ahantzizkoa da beste
literatura batzuetako idazleen gero eta lan gehiago euskaraz irakurtzeko aukerak
ugarituz doazela euskal irakurleentzat, eta halaber, nazioarteko eremuan euskal
literatura-lanak eta egileak sustatzeko beste bide bat dela euskaraz sorturiko
literatura-obrak beste hizkuntzetako irakurleei beren hizkuntzetan eskaintzea,
gertatu izan baita euskarazko lanak eta egileak Euskal Herrian bertan gehiago
estimatzea edo benetan estimatzen hastea, Euskal Herritik kanpo onetsiak izan
ostean. Ondorioz, berretsi beharrean gaude euskal literatura sustatzeko bidean,
aipatu ditugun bi sustapen mota horiek gauza daitezkeela aldi berean: bata,
euskal irakurleei begira eginikoa; eta, bestea, beste hizkuntzetako irakurleentzat
eginikoa.
