Euskonews-en zure iritzien berri izan nahi dugu. Bidal itzazu!
Euskonews aldizkarian parte hartu nahi al duzu?
Artetsu Saria 2005
Arbaso Elkarteak Eusko Ikaskuntzari 2005eko Artetsu sarietako bat eman dio Euskonewseko Artisautza atalarengatik
Buber Saria 2003
On line komunikabide onenari Buber Saria 2003. Euskonews y Media
Argia Saria 1999
Astekari elektronikoari Merezimenduzko Saria
Egileak: Andoni Iso, Patxi Jimenez, Zesar Martinez,
Imanol Telleria, Patxi Pascual
Argitaratzailea: Eusko Jaurlaritza
Orrialde kopurua: 123
ISSN: 1575-7005
Ezaugarriak: Diagnosi hau Alde Zaharreko Komunitate
Planaren ekimenaren baitan sortzen da. Komunitate Planaren ekimena hainbat
lagunek osatutako Talde Eragileak abiarazi zuen. Lagun horietako batzuk bertako
auzogintzari lotuta daude, beste batzuk, antolaturik egon gabe, ilusioz hartu
dute ekimen honetan aritzea. Ekimen hau 2003an hasi zen martxan bi oinarritatik:
auzoko bizi-baldintzen hobekuntzari integraltasunez, eta ez sektorialki bakarrik,
eustea; eta auzokideek nahi duten auzo eredua parte hartzearen bidez zehazten
joatea.
Ezin bide bazterrean ahantzita utzi Marco Marchioniren ekarpen erabakigarria.
Komunitate garapen prozesuetan aditu dugun gizarte ikerlari honek borondate
hutsez aholkatu du hasiera-hasieratik Talde Eragilea. Inoiz ez du erabaki
uneetan parte hartu, bertakoen autonomia errespetatu du, baina, hartu beharreko
norabideari buruz gidatu gaitu, beharrezko formakuntza metodologikoa eskaini
digu, beste esperientzietara lotu gaitu eta unerik zailenak presentzia hutsez
samurtu ditu.
Ekimen honen luze zabalean honako jarduerak burutu ditugu Talde Motorreko
partaideok: herritarren parte hartze eta komunitate planei buruzko formakuntza
ikastaroak, komunitatea protagonista duten garapen lokaleko beste esperientzietara
hurbilketa, halako planak aholkatzen dituzten profesional eta dinamizatzaileekin
hartu emanak; eta azkenik, elkarte, teknikari, administrari eta kargu politikoekin
interlokuzioak, ekimenaren berri eman zein bertan parte hartzera gonbidatzeko.
Azkenean, Iruñeko Alde Zaharreko Komunitate Plana 2004ko apirilean
aurkeztu zen jardunaldi batzuetan. Jardunaldiotan 160 bat lagunek parte hartu
zuten: auzokideak, merkatariak, eragile sozial eta politikoak, elkarteak,
irakasleak, gizarte langileak, Osasun Etxea, zinegotziak, Alkatea, Alde Zaharreko
Bulegoa, Gizarte Ongizaterako Departamendua, “Urban”-eko teknikariak...
