Iokin Zaitegi

Egilea: Josemari Velez de Mendizabal
Argitaletxea: Izarra
Orrialde kopurua: 225
ISBN: 84-85713-15-X

Ezaugarriak: “Iokin zaitegiren biografia hau gerturatzen hasi nintzenean biografiatuaren laguntza osoa izan nuen. Arrasateko Centro Asistencial-ean ondoeza batek utzitako arrastroak sendatzen ari zelarik, bere biografiari buruzko lehen urratsak ematea proposatu nion Iokini. Nolabait eman behar genuen hango egonaldia eta zer hoba beraren bizitzaren gaineko azterketa baino? Pozarren hartu zuen nere asmo hau.

Tamalez, liburua amaitzeke zegoela joan zitzaigun Iokin.

Idazkia borobiltzeko Zaitegi ondo ezagutu zuten azken eritziez baliatu ahal izan naiz. Ez dut hemen izenik aipatuko. Liburuan zehar azaltzen ditut. Guztiei nere eskerronik beroena.

Bide batez, Eusko Jaurlaritza eta Arrasateko Udalari, heuren babesari esker kalera baitezaket liburu hau. Ezin ahaztu, bestealde, Lankide eta Donostiko Aurrezki Kutxek eskainitako laguntza.”

Atlas de Villas Medievales de Vasconia. Bizkaia

Egileak: Beatriz Arizaga Bolumburu, Sergio Martínez Martínez
Argitaletxea: Eusko Ikaskuntza
Orrialde kopurua: 364
ISBN: 84-8419-023-4

Ezaugarriak: El nacimiento de las villas medievales de Vizcaya (1199-1376), entre las cuales Bilbao terminará por imponerse, supuso un cambio muy profundo en el territorio vizcaíno. Éste pasó de ser un espacio rural y cerrado sobre sí mismo a convertirse en una tierra fuertemente urbanizada y receptiva a las nuevas corrientes sociales, económicas y políticas que se abrían paso en toda Europa en las postrimerías de la Edad Media.

Bizkaiko Erdi Aroko hiribilduen sorrerak (1199-1376) –horien artean Bilbo gailenduko zen– guztiz aldaketa sakona eragin zuen Bizkaiko lurraldean. Bere baitan bilduriko landa eremua izatetik luralde oso urbanizatua izatera pasa zen, bai eta Erdi Aroaren amaieran Europa osoan zabaltzen ari ziren joera sozial, ekonomiko eta politiko berrietara harrera ona egiten zien lurraldea ere.

Más información: www.euskoshop.com

Hizkuntz eskubideen egoera Euskal Herrian, 2003an

Egileak: Hainbat
Argitaratzailea: Hizkuntz Eskubideen Behatokia
Orrialde kopurua: 189
ISBN: 84-609-2580-3

Ezaugarriak: Hona hemen Hizkuntz Eskubideen Behatokiaren 2003. urteari dagokion hirugarren txosten hau. Hasieratik beretik hain egoki ezarritako lan egikerari eutsiz eta ohiko zorroztasun eta zehaztasunez landua dator. Funtsean lehengo bideetatik badabil ere, zuzendari berriaren aztarna eta eragina ere nabarituko dio batek baino gehiagok.

Lan honek bere baitan dakarren diagnosiari dagokionez, esan beharra dago, “euskaldunen hizkuntz eskubideen egiazko egoera islatzen duela. Bere onean eta txarrean”.

Materiaren egitura

Egilea: Patxi López de Tejada Flores
Argitaratzailea: Arabako Foru Aldundia
Orrialde kopurua: 122
ISBN: 84-7821-619-7

Ezaugarriak: “Ernestina de Champourcin” XV Poesi Sariketa.