Fuente: Auñamendi Eusko Entziklopedia
Menchu Gal Orendain.
Menchu Gal familia aberats eta kultura handiko batean jaio zen. Horrek, pinturaren ikaskuntzarako sarbidea erraztu zion.
Oso gazte zela Gaspar Montes Iturriozek eskolak eman zizkion eta hark adoretu zuen familia Menchu Parisera bidal zezaten ikasketak osatzera.
Hiri horretan Amédée Ozenfant pintore puristaren akademian ikasi zuen eta maisu inpresionista eta fauvisten erakusketa ugari ikusteko parada izan zuen. Erakusketa horiek eragin sakona izan zuten harengan, bereziki, Henri Matissek.
Menchu Galen lanak aitorpen zabala izan du eta horren lekuko dira jasotako sariak. Hala, Pintura arloko Sari Nazionala eskuratzen lehen emakumea izan zen (1959) eta, era berean, bera izan zen Gipuzkoako Foru Aldundiak ematen duen Urrezko domina jaso zuen lehen emakumea. 2006an Eusko Ikaskuntzak Manuel Lekuona saria eman zion.
Menchu Gal Donostian hil zen 2008ko martxoaren 12an, 90 urte zituela.
