• Euskonews
• Euskonews Gaztea
• Euskonews Multimedia

Erakundeetan komunikazio eraginkorra sustatzeko ordua

MONDRAGON UNIBERTSITATEA

Azken urteotan gertatu den paradigma aldaketak erakundeetako alderdi askotan izan du eragina eta, aldaketa horien aurrean, MUren Komunikazio ikasketek erakundeetako komunikazioan jarri nahi izan dute bereziki fokua. Parte hartzea eta komunikazioa funtsezko ezaugarriak dira erakundeen antolaketa kultura berrietan. Erakundeetan ezinbesteko bilakatu da komunikazio fluxu berrien kudeaketa, eta baita horien sorkuntzan protagonismoa hartzea ere. Horiek guztiak horrela izanik, Mondragon Unibertsitateak duela hiru urte titulu propio bat eskaintzea erabaki zuen. Beronen helburua da, batetik, ulertzea komunikazio paradigma berriak eta horiek erakundeetan duten eragina eta, bestetik, prestatzea ikasleak erakundeetako komunikazio jarioa bideratzeko.

Aditu titulu hau zuzenduta dago lanean dihardutenei lizentziadun zein graduatu berriei. Batetik, lanean dabiltzanei enpresa, elkarte eta erakundeetan, batez ere, komunikazioan, kudeaketan, koordinazioan edo zuzendaritza lanetan; bestetik, aditu titulu hau oso egokia da enpresa komunikazioaren nondik norakoak ezagutu eta menderatu nahi duten lizentziadun zein gradudunentzat, bereziki ikasketa hauek dituztenentzat: Ikus Entzunezko Komunikazioa, Humanitateak eta Enpresa, Kazetaritza, Lan Harremanak eta Industria Antolakuntza Ingeniaritza.

Bi multzotan dago banatuta Aditu tituluaren mamia. Edukiak, 16,5 ECTS eta Proiektua, 13,5 ECTS. Ikastaroa 8 materiatan banatuta dago eta proiektua espainolez zein euskaraz egiteko aukera izango da. Aurten lehen aldiz eskainiko da Bilbon (MUko Bilbao Berrikuntza Faktorian), eta astean behin izango dira klaseak, euskaraz.

Irakurleen iritziak:

• Harpidetza / Suscripción
• Quiénes somos
• Política de privacidad
• Avisos legales
• Eusko Ikaskuntza
• ISSN 1139-3629
• info@euskonews.com