SARRERA

Orain arte, sekula ez dugu artisau "markoztatzailerik" elkarrizketatu; hots, bere artea obren balioa handitzera zuzentzen den artisau bati, obra hori koadro bat, esmalte bat edo objektu bat izan. Horregatik, Gerard Danné artisauarengana jo dugu.
Bere tailer-dendan sartu orduko, egur usainak hartu gaitu, eta ehunka artelanetara joan zaizkigu begiak: markoztatutako koadroak batzuk, eta hutsak egon arren harmoniaz betetako markoak besteak. Horrelako egoeretan tamaltzen da bat hain etxe txikia izateaz; ez, zuzenago esanda, etxean hain horma libre gutxi izateaz.

Gure ohiturari jarraituz, gaiari buruzko azalpen historiko labur bat eginez emango diogu hasiera fitxari.