 | Sarrera |
| Historia |
| Artisaua |
| Produktuak |
| Prozesuak |
| Prezioak |
HISTORIA
Pekingo
Liburutegi Nazionalak inprimatzeari buruzko saiakera bat argitaratu zuen
1961ean, eta honela dio hark: “Diamantearen Sutra 868an argitaratu
zen, eta bera da munduan argitaratutako lehen liburua. Paperezko zazpi zerrenda
dira, elkarri lotuak, eta trebetasun handiz egindako ilustrazio bat du lehen
orrialdean”. Egun, British Museum-ean dago agerian jarrita, Mendebaldeko
liburu ospetsuenetik (Gutenberg-en Biblia) urrats gutxira. Dunhuang-go eskuizkribua
lau bat metro da luze, eta data zehatz bat ageri du, 868ko maiatzaren 11,
bai eta eskuizkribua eskatu eta banatu zuen pertsonaren izena ere: lehen
editore ezaguna (eta ez lehen inprimatzailea, zenbaitetan esan den bezala).
Mendebaldean, Gutenbergek (1400-1468) sartu zuen inprentaren erabilera, hau da, testuak mekanikoki bikoizteko lehen sistema.
Everett Mac Adam ingeniariak 1907an asmatu zuen fotokopiak egiteko lehen gailu elektrikoa, eta merkuriozko bi lanpara erabili zituen horretarako. Bi lanpara horiek beirazko zilindro birakor batean muntatzen zituen. Zilindroaren gainean original garden bat eta orri fotosentikor bat ezartzen zituen, eta azkenaren gainean lortzen zuen kopia. Arrabolezko sistema bati esker, alde batetik irteten zen originala, eta, beste aldetik, kopia errebelatze eta finkatze gailura igarotzen zen.
Baina
1937ko urriaren 27an patentatu zuen Chester Carlsonek Xerox prozedura. Horren
bidez, argizari-paperaren gainean egiten ziren kopiak. Horrela, zuzenean
paperaren gainean lor zitezkeen kopiak, paperak estaldura fotosentikor bat
eduki behar izan gabe. Tonerreko hautsaz osatu irudia berotze gailu baten
bitartez ezartzen zen paperaren gainean.
1938ko urriaren 22an egin zen lehen kopia, sistema elektrostatiko eta zeharkako hau edo xerografia erabilita. Xerografia hitza grekozko xeros = “lehor” eta grafos = “idazketa” batuta osatzen da.
1950ean irten ziren merkatura lehen fotokopiagailu automatikoak.
1959an, jadanik 15 segundotan egiten zen kopia bat.
euskonews@euskonews.com
