 | Sarrera |
| Historia |
| Artisauak |
| Produktuak |
| Prozesuak |
| Prezioak |
HISTORIA
Mozorroa
hauxe da: “zerbait estaltzeko edo itxuraldatzeko erabiltzen den
janzkera, bereziki mozorro-jantzia”.
Labur esanda, kontua hauxe da: jantzi, mozorro edo bestelakoren bidez, pertsona batek beste baten itxura hartzea, edo gauza baten edo beste izaki baten (animalia bat, esate baterako) itxura.
Frantziako Les Trois Frères harpean, historiaurreko gizon baten irudi margotua aurkitu zuten. Badirudi gizona orein gisa mozorrotuta dagoela, larru, adar eta guzti, eta oreinaren dantza egiten ari den sorgintzat jo dute. Kantabriako Horno de la Peña harpean ere, Aurignac aldiko eta animaliaz mozorrotutako gizon baten irudia dago.
Ez da zalantzarik, bada, gizakiak mozorroak darabiltzala historiaurretik; erlijio erritoetarako edo errito lagungarritarako, hasieran, eta aktoreek, geroago, antzertian: gogoan eduki behar da mozorroak antzerti klasikoan eduki zuen garrantzia.
Erdi Aroa heltzearekin, Auto Sakramentalak agertzen dira, eta, hor, mozorroak parte garrantzitsua du obran.
XVI. mendeko bigarren erdian, Espainia potentzia handia zenean, gainerakoek Austriarren gorteko jantziak imitatzen zituen. Amalia Descalzo Trajearen Museoaren Adiskideen Elkarteko presidenteak zioen bezala, “erregeentzat —eta haien gortesauentzat hedaduraz— jantzia, premia edo apeta baino gehiago, ardura handi bat zen”. Jantzi haiek “mugimendu geldi eta lasaiak eragiten zituzten, eta, horrela, espainiar monarkiak bilatzen zuen seriotasun irudia ematen zuten”. Moda, bada, politika bilakatzen da, errealitatea itxuraldatzeko tresna. Inperioa gain behera etorri zenean, jostunek eta modak Frantziako gortea jo zuten begiz. Baina hori beste istorio bat da.
Gaur egun ere, mozorroa bizitzako arlo ugaritan ageri da: jaietan, merkataritzan, kiroletan, jolasean edo pedagogian, adibidez.
euskonews@euskonews.com
