 | Sarrera |
| Historia |
| Artisauak |
| Produktuak |
| Prozesuak |
| Prezioak |
PROZESUAK
Liburuez ari garela, azaleztapen-prozesuak, funtsean eta laburtzearren, bi zati nagusi ditu:
a) Liburua egin eta azaleztatzea, hau da, liburuaren egitura. Liburuaren gorputza osatzen duten zatiak eta estalkiak nola lotzen eta egituratzen diren eta osagai bakoitza egiteko erabiltzen diren materialak.
b) Multzoaren diseinua, hau da, liburuaren azalen eta gorputzeko zati batzuen kanpoaldeko eta barrualdeko estaldura eta apaindura, hainbat baliabide erabilita. Sormen artistikoak zerikusia du fase horretan.
Liburuaren egitura eta apaindura egiteko estilo eta teknika artistikoak ugariak dira, egia esan, haien kopurua mugagabea da erabat. Eta gauza bera esan daiteke gaur egun erabili daitezkeen materialei buruz ere. Azaleztatzeko modu asko daude, beraz.
Hori dela eta, liburu bat nola azaleztatu behar den idatziz adierazi nahi izanez gero, erabili daitezkeen egiturak, teknikak, estiloak, materialak eta abarrekoak azalduko lituzkeen eskuliburua idatzi beharko genuke (ugariak dira dagoeneko gaiari buruz argitaratutako eskuliburuak). Eta horri gehitu behar diogu maisu bakoitzak bere estiloa duela eta, beraz, gauza bera egiteko hainbat bide daudela.
euskonews@euskonews.com
