 | Sarrera |
| Historia |
| Artisaua |
| Produktuak |
| Prozesuak |
ARTISAUA
Gure
artisaua 1956ko abuztuaren 9an jaio zen Matxinbentan. Bere aita, José
María Aguirrezabala Zabala, Tolosako Bedaio auzoan jaio zen, eta
zerrategi batean lanean aritu ondoren, saskigile lanbidea ikasi zuen. 25
urte zituela Matxinbentako Agustina Landa Mendiarekin, saskigile batzuen
alabarekin, ezkondu zen; hara bizitzera joan eta saskigile-lanetan hasi
zen.
Bedaioko Bartolomé Aguirrezabala Jauregui zen gure artisauaren aitona, eta María Dolores Zabala Zubillagarekin ezkondu zen.
Juan Ignacio Aguirrezabala zen gure saskigilearen aitaren aldeko birraitona, eta Juana Josefa Jaureguirekin ezkondu zen. José María Zabala zuen amaren aldeko birraitona, Eulalia Zubillagarekin ezkondu zena.
Jarrai dezagun, baina, saskigilearen amaren familiarekin. Agustina Landa Mendiaren aita Francisco María Landa Mendia zen, saskigilea, eta bere lehengusu María Cruz Mendia Altunarekin ezkondu zen.
Amaren aldeko birraitonak Antonio Landa Altuna saskigilea eta Francisco María Mendia Lasa zituen. Lehena, Marturio baserriko Francisca Antonia Mendia Lasarekin ezkondu zen, eta bigarrena, Juana Francisca Altuna Arsuagarekin.
Gure artisauaren gurasoak, José María eta Agustina, ere artisauak ziren, eta 4 seme eta 3 alaba izan zituzten. Mutilak saskigintzan aritu ziren, baina gaur egun, Iñaki da lanbide horretan dabilen bakarra.
Iñakik auzoko eskolan ikasi eta Tolosako Sakramentinoetan sartu zen. Bertan bi urtez egon eta gero, Azkoitiako Lanbide-eskolara joan eta mekanikari doitzaile izateko ikasketak egin zituen.
Ikasketa amaierako bidaian Palmara joan eta zesta-puntarekin harremanetan jarri zen. 22 urterekin zesta-puntako jokalari profesional egin zen, baina 27 urte zituela guztia utzi behar izan zuen 82ko krisiagatik. Orduan, txikitan ikasitako saskigintza, bigarren jarduera gisa zuena, “bizimodua ateratzeko” bere bidea izatera pasa zen.
27 urterekin María Lourdes Echaniz Badiolarekin ezkondu zen, eta bi seme-alaba dituzte, Igor (1982an jaioa) eta Ainitze (1984an jaioa).
Iñaki Agirrezabala Landa
Matxin Xestoak
(Erdiko Ostatu - Matxinbenta)
AZPEITIA
Telefono zenbakia: 943 88 01 74
Denda:
MATXIN XESTOA
Paulo VI auzunea, 8. zk.
AZPEITIA
Telefono zenbakia: 943 81 01 16
euskonews@euskonews.com
