 |
Sarrera |
|
Artisaua |
|
Produktuak |
|
Prozesua |
|
Prezioak |
PRODUKTUAK
Gure artisauak bost multzotan sailkatzen ditu bere produktuak:
A.- KOADERNAKETA LANAK.
B.- ARGAZKI ALBUMAK.
C.- PAPERTEGIKO PRODUKTUAK.
D.- GRABATUAK.
E.- BESTELAKOAK.
Ikus dezagun nolakoak diren:
A.- KOADERNAKETA LANAK.
Hauxe da artisauaren egiteko nagusia. Denetarik koadernatzen du, baina, batez ere, honako hauek:
- Bildumak egiteko faszikuluak, komikiak, etab.
- Doktore tesiak, tesinak, ikerketa lanak, etab.
- Kontabilitateak.
- Egunkari eta aldizkariak.
B.- ARGAZKI ALBUMAK.
Hiru
neurritan egiten ditu:
- Oinarrizko neurria, 22,5 x 32 cm-koa, 185 gr/m2-ko kartoi meheko 20 orritakoa. Enkarguz, 40 orrira artekoak ere egiten ditu.
- Erdiko neurria, 24 x 24 cm-koa, 250 gr/m2-ko kartoi mehekoa, 15 x 20 cm-ko argazkientzat. Luxuzko beira papera darama bereizketak egiteko.
- Neurri handia, 31 x 31 cm-koa, 250 gr/m2-ko kartoi mehekoa, 20 x 25 cm-ko argazkientzat. Luxuzko beira papera darama bereizketak egiteko.
Album hauek soken bidez ixten dira, eta familiaren edo pertsonaren izena eraman ohi dute. Normalean, urtebetetzeetako edota ezkontzetako opari gisa ematen dira.
C.- PAPERTEGIKO PRODUKTUAK.
- Egunerokoak. Hiru neurritan:
o DIN A4, 350 orrialdera bitartekoak.
o DIN A5, 250 orrialdera bitartekoak.
o DIN A6, 200 orrialdera bitartekoak. - Telefono agendak, 17,5 x 12,5 cm-koak, 192 orrikoak, izen-abizenak,
helbidea, telefonoa eta maila ipintzeko zutabeekin.
- Akordeoi tankerako karpeta artxibatzaileak, letrak, fakturak eta gainerako
agiriak jasotzeko, indize alfabetikoarekin. 12 sail dauzkate, eta zinta
batekin ixten dira. Bi neurritakoak egiten ditu: txikiak, 25 x 17,15 cm-koak,
eta handiak, 33,5 x 22,5 cm-koak.
- Bulegoetako mahai gainean ipintzeko idazmahaiak, tonu eta material ugaritan,
ertzak sendotuta dauzkatela. Nahi izanez gero, izena ere ipintzen die.
42 x 33 cm-koak.
- Gutunen albumak. Oparietarako kutxatilak, 50 orri eta 5 gutunazal dauzkatenak,
eta berriz betetzeko aukera ematen dutenak. Zinta batekin ixten dira.
Tonu eta estalki ezberdin ugaritan daude.
- Jatetxeetako menuen kartak, 23,5 x 33 cm-koak. 6 orri izaten dituzte (12 orrialde), prezioen zerrenda ipintzeko. Ertzak letoizkoak dira, eta, nahi izanez gero, testua edo logotipoa graba daiteke.
D.-
GRABATUAK.
Jada koadernatuta dauden liburuetan nahi diren izen, testu edo logotipoak grabatzen ditu.
E.- BESTELAKOAK.
Orain arte azaldu ditugun elementu normalizatuez gain, Juan Carlosek enkargatzen zaion beste edozer gauza egiten du; hala nola narriatuta dauden liburuak konpontzea, diplomak entregatzeko kartoi meheak prestatzea, grabatu edo mapak jasotzeko karpetak, etab.
 |
 |
Bere lan guztiei etiketatxo bat ipintzen die, produktua artisau moduan egina dela ziurtatzen duena. Honela diote:
| Artikulu hau, oso osorik, eskuz eginda dago. Berau egiteko kalitate
oneneko lehengaiak erabili izanak eguneroko erabilera luzea ziurtatzen
dizu. Atzekaldean grabatutako 
markak, artisau-lana dela adierazten du eta bere kalitatea bermatzen
du. |
Gainera, urre koloreko logotipo txiki bat grabatzen du bere produktu guztietan, irekita dagoen liburu bat irudikatzen duena.
Faszikuluak koadernatzeari dagokionez, beti izan da intrusismoa, azalak eginak daudenean askoz ere errazagoa izaten baita koadernatzea. Baina benetako koadernaketa lana ez da horrelakoa izaten, ez baita hain sinplea azalak egin eta behar bezala gelditzea.
