PEDRO RAZQUIN OCHOA
Lanpista
2003 / 12-19 / 12-29
Egilea: Antxon Aguirre Sorondo

ARTISAUA

	Pedro Razquin.

Iruñean jaio zen 1940an, eta Altzuzan (Nafarroa) bizitu zen 18 urte bete arte. Oinarrizko ikasketak burutu ostean, nekazaritza lanetan hasi zen. Soldadutza amaitutakoan, Legazpira joan zen (Gipuzkoa), Patricio Echeverría S.A. enpresan lan egitera, eta handik, 1963an, Donostiara (Gipuzkoa), Antonio Garcíaren elektrizitate tailerrera. Ondoren Talleres Pérezen hasi zen lanean, elektrizitatearen arloan baita ere, eta bi urte eman zituen bertan. Epealdi hori igarotakoan, bere kontura jarri zen lanean.

1979an, elektrikari lanak utzi, eta altzari zein lanparak erosi, konpondu eta saltzeari ekin zion, Donostiako Egia auzoko lokal batean, eta zazpi urte geroago, 1996an, Zabaleta kaleko 49. zenbakiko tailerrera lekualdatu zen. Bertan jarraitzen du egun ere, brontzezko zein kristalezko lanparak egiten eta konpontzen, eta antzinako irratiak zaharberritzen.

Donostian ezkondu zen, eta hiru alaba dauzka.