IDOIA AMUNARRIZ
Zuraren gaineko pintura
2004 / 04-23 / 05-07
Egilea: Antxon Aguirre Sorondo

IRAKASKUNTZA

	Zurezko kaxak, pintatuta.

Idoiak, aipaturiko elementuak egiteaz gain, eskolak ere ematen ditu. Talde txikiekin aritzen da, gehienez jota 8 lagunez osaturikoekin, astelehen goizetan (10etatik 12ak arte) eta asteazken arratsaldetan (16etatik 22 ½ak arte.). Zura margotzen eta pieza zaharrak berreskuratzen irakasten du bere tailerrean. Ikasleek etxean, zaborretan edota azoka txikietan aurkitutako pieza zaharrak eramaten dituzte; hala nola aulkiak, kutxatzarrak, oheburuak, sehaskak, kaiku zaharrak, markoak, etab. Bertan, Idoiaren hitzetan, "berreskuratu" egiten dituzte elementuok, ez "zaharberritu", ez baitira gauza bera.

Gabonetarako etxerako apaingarriak ere egiten ditu, oso material ekonomikoekin; besteak beste, polietileno, paper, kartoi, plastiko eta abarrezko bolak.