IDOIA AMUNARRIZ
Zuraren gaineko pintura
2004 / 04-23 / 05-07
Egilea: Antxon Aguirre Sorondo

BERE PRODUKTUAK

Idoiak elementu ezberdin ugari egiten ditu; hala nola:

• Berak egin eta margotutako esekitokiak, neurri ezberdinetakoak, bi, hiru edo behar adina heldulekurekin.
• Zur polikromatuzko kaxa zoragarriak, neurri eta mota ezberdinetakoak, eta erabilera anitzetarako: bitxiontziak, jostotzarak, etab.
• Zur polikromatuzko lanparak, neurri, marrazki eta mota ezberdinetakoak. Oso interesgarriak dira marmola imitatuz egiten dituenak.

  Lanparen zurezko oinak, pintatuta.

Hainbestekoa da gure artisauak pieza berriak sortzeko daukan zaletasuna, produktu mota asko eta asko sortu dituela dagoeneko, eta etengabe berriak sortzen aritzen dela: sarreretan edo komunetan ipintzeko ispilu modernista handiak, oinetakoak jasotzeko armairuak, takiloiak, mahaitxoak, kaikuak, esekitokiak, neurri guztietako ordulariak, Ama Birjinak naïf-ak dauzkaten triptikoak eta beste milaka gauza. Nolanahi ere, guzti-guztiek ezaugarri komun bi dauzkate, argi eta garbi azpimarratu nahiko nituzkeenak: originaltasuna eta gustu paregabea.

Gaur egun saltzen dituen produktu gehienak enkargu bidez egiten ditu.