MARIA PILAR ANSA
Buztinezko artea
2004 / 06 / 04-18
Egilea: Antxon Aguirre Sorondo

ARTISAUA

	Mª Pilar, lanean.

Pili -horrela deitzen diote etxean- Donostian jaio zen, 1943an. Bere aita Agustín Ansa Mújica sendagile eta akuarelista paregabea zen, eta, beraz, Pilik txikitandik izan zuen artea bere inguruan.

Hamahiru urte zeuzkanean jabetu zen Pili materia jakin batzuren plastizitateaz, bere lagun alemaniar baten etxean masa zuri modelagarri bat, plastilina alegia, ezagutu zuenean. Bere etxera joaten zen bakoitzean, masa zuri hori modelatzen aritzen zen.

Hamazazpi urterekin, Sagrado Corazón Eskolan, Villa Concha-n (Miracielo), dekorazioa ikasten hasi zen (portzelana pintatzen), Salvador Vento irakaslearen eskutik. Portzelana zuria erosten zuten, eta ondoren pintura zein esmalteekin, edota, batzuetan, tanpoiekin, dekoratzen. 900 ºC inguru hartzen zituen labe bat zeukaten.

Hirugarren urtean, buztina modelatzeko eskolak jasotzen hasi zen. Pilik, orduan, portzelana alde batera utzi, eta bete-betean modelatzeari eskaini zion bere arreta. Eskola hauek ere Salvador irakasleak ematen zizkion. Ikasleen artean José Joaquín Mendizábal odontologoa zegoen; zenbaitetan bere tailerreko erizain eta mekanikari batzuekin eta guzti joaten zen, bost pertsona guztira.

1971. urtearen inguruan, Sagrado Corazón eskolak bere ateak ixtean, Pili bere zaletasunari jarraipenik eman ezinean gelditu zen. José Joaquín Mendizábalek, baina, etxe bat erosi zuen orduantxe Donostiako Catalina de Erauso kalean, tailerra bertan zabaldu eta Salvador irakasleak eskolak emanez jarrai zezan. Eta haraxe joan zen Pili. Baina handik gutxira utzi egin behar izan zion klaseetara joateari, bere hirugarren alabarekin haurdun gelditu zen-eta.

1973an, bere zaletasunari heldu zion berriz ere, eta betiko tailerrera itzuli zen, "Catalina de Erauso Arte Elkartea" izena hartu berri zuena. 1978an, elkarte horretan bertan zeramikari buruzko eskolak emateko aukera luzatu zioten, eta horretan darrai gaur egun ere. Aldaketa bakar bat izan da denbora tarte horretan: 1987. urtean, egoitza Donostiako Gran Vía kalera igaro zela.

Pilik eskolak eman bakarrik ez, jaso ere egiten ditu: batetik, Gerardo Pescadorrek tornuari buruz ematen dizkionak, eta, bestetik, Gregorio Aramendik Zegaman (Gipuzkoa) ematen dizkionak. Gainera, bere ezagutzak handitzeko asmoz, Labisbal-en (Girona) ere izan da, ikastaro bat jasotzen.

Artisaua lanean.

1986an, Pilik eta Mariví Gil Arregik tailer bat zabaldu zuten Donostiako Deba ibaia kalean, beren piezak egiteko. Handik bost urtera, baina, Marivík utzi egin zuen tailerra.

1995ean, Pilik Loiola (Donostia) auzora lekualdatu zuen bere tailerra, baina urtebetera handik ateratzea erabaki zuen, hezetasun maila handiaren ondorioz piezak ez zirelako behar bezala lehortzen. 2000. urtean, Intxaurrondo auzoan zabaldu zuen tailerra, gela zabal eta aireztatu batean, eta hantxe jarraitzen du gaur egun.

Pili ezkonduta dago, eta hiru alaba eta bi biloba dauzka. Izugarri gustatzen zaio ttikiak tailerra joaten direnean elkarrekin eskulanak egiten aritzea.

Egindako ikasketak

• Portzelana, modelatu eta zeramikaren gaineko dekorazioa, Salvador Vento irakaslearen eskutik, Donostiako Sagrado Corazón Eskolan (1962-1972).
• Zeramikari buruzko ikastaroa, Catalina de Erauso elkartean, Koldo Merino irakaslearen eskutik (1975).
• Zeramikari buruzko ikastaroa, Catalina de Erauso elkartean, Carlos Puente irakaslearen eskutik (1975-76-77), urritik ekainera bitartean.
• Tornuari buruzko ikastaroak, Marino Plaza (1980), Gerardo Pescador (1982), Gregorio Aramendi (1985) eta Dolores Ros irakasleen eskutik, azken hau La Bisbal eskolakoa (1987).
• Tenperatura altuetako zeramikari buruzko ikastaroa, Fernando Alcalde irakaslearen eskutik, Cuenca (1987-89-93).
• Arkitekturako zeramikari buruzko ikastaroa, Zarautzen, Arcadio Blasco irakaslearen eskutik (1992).
• RAKUri buruzko ikastaroa, Ana de Felipe irakaslearen eskutik, Zarautzen (1993).
• Disenuari buruzko bi ikastaro, Reinaldo eta José Manuel Avalos irakasleen eskutik.
• Tapizei buruzko ikastaroak, Catalina de Erauso elkartean, Chonin Navarro irakaslearen eskutik (1975-76).
• Tapizei buruzko ikastaroa, María Asunción Raventós irakaslearen eskutik, Catalina de Erauso elkartean.
• Tapizei buruzko ikastaroa, María Asunción Raventós irakaslearen eskutik, ARTELEKUn.
• Tenperatura altuetako zeramikari buruzko ikastaroa, Angela Echeverría irakaslearen eskutik, Catalina de Erauso elkartean.
• Eskulturari buruzko ikastaroa, Agustina Otero irakaslearen eskutik (1990-91).

ERAKUSKETAK

• Erakusketa kolektiboa (1975), Donostiako udaletxeko udal aretoetan.
• II. Erakusketa Kolektiboa, Pasai Antxoko Kultur Aretoan (1976).
• Catalina de Erauso Arte Elkartearen Erakusketa Publikoa, Donostiako Aurrezki Kutxa Munizipalaren Kultur Aretoan. 1977ko otsaila.
• Erakusketa kolektiboa, Donostiako Aurrezki Kutxa Munizipaleko Kultur Aretoan. 1977ko maiatza.
• GABONETAKO ARTEA, Catalina de Erauso Arte Elkartean, Amara Zaharra auzoan. Donostia. 1977.
• Erakusketa kolektiboa, Kultura Ministerioaren Donostiako Aretoa. 1978.
• TTOPARA galeria. Hondarribia. 1978.
• Erakusketa kolektiboa. Palma de Mallorca. 1978.
• Tapizen erakusketa. Errenteriako II. Artisautza Azoka. 1980.
• Tapizen erakusketa. Lasarte. 1980.
• Tapizen erakusketa. Donostiako Aurrezko Kutxaren Aretoa (1981).
• Zeramikari buruzko erakusketa kolektiboa. Zarautz (1982).
• Katilu zeramikari buruzko erakusketa kolektiboa. Donostia (1982).
• Tapizen erakusketa kolektiboa. Gaspar galeria. Errenteria. (1982).
• Erakusketa kolektiboa. Zaharren Etxea. Amara Berri. Donostia (1984) .
• Uholdeetan Kaltetuen Aldeko Erakusketa. Donostiako Udala. (1983).
• Erakusketa. Eguzkiaren tailerra. Hondarribia (1985).
• Emakumezkoen erakusketa. San Telmo abadia. Donostia (1987).
• Emakumezkoen erakusketa. Donostiako udaletxearen azpialdean (1986).
• Erakusketa. Gurutze Gorriaren Nazioarteko Astea, 125. urteurrena. Madril. (1988).
• Emakumezko Artisten Erakusketa. San Telmo abadia. Donostia (1989).
• Catalina de Erauso Arte Elkarteko kideen erakusketa kolektiboa. Kutxa (1992).
• Erakusketa kolektiboa. Eibar (1998).
• Catalina de Erauso Arte Elkarteko kideen erakusketa kolektiboa. Kutxa (1998).
• Catalina de Erauso Arte Elkarteko kideen erakusketa kolektiboa. Kutxa (1999).

AZOKAK

• Arte eta Artisautzari buruzko Aire Zabaleko I. Tailerra. Pasai Antxo (1976).
• Zeramika Azoka. Zarautz (1982).
• II. Artisautza Azoka. Zarautz (1982).
• II. FINART Artisautza Azoka. Madril (1983).
• Franckforteko Artisautza Azoka (1983). Tapizak. Artespaña pabilioia.
• III. FINART Artisautza Azoka. Madril (1984). Tapizak eta zeramika.
• Zizurkilgo Artisautza Azoka (1984).
• Bilboko II. Artisautza Azoka. (1984).
• IV. FINART Artisautza Azoka. Madril (1985).
• Amara Zaharreko Artisautza Azoka. Donostia (1985).
• Getxoko IV. Artisautza Azoka herrikoia (1985).
• Bilboko III. Artisautza Azoka (1985).
• Astigarragako Azoka (1986).
• Lezoko Azoka (1986).
• V. FINART Artisautza Azoka, Madril (1986).
• Amara-Berriko Azoka. Donostia (1986).
• Amara-Zaharreko Artisautza Azoka (1986-88-89-93-94-95-96-97).
• Lasarteko Azoka (1987-89-90-91-96).
• KILOMETROAK. Irun (1988).
• Zarauzko Azoka (1989-95).
• Tolosako Artisautza Azoka (1989-90).
• Bilboko I. Erakustazoka. ARTISAUTZA. EXPO CONSUMO (1988).
• Salinas de Añanako Azoka. Araba (1990-91-92-93-94).
• Amara Berriko Azoka. Donostia (1992-93).
• Pentsionisten Erresidentzia. Eibar (1994).
• Berako Artisautza Azoka. Nafarroa (1996).
• Artisautza Azoka, Vista Alegre. Zarautz (1998).
• ARTISAUNZA Artisautza Azoka, Ordizia (1998).
• Leniz-Gatzagako Artisautza Azoka (1998).
• Beasaingo Azoka (1998).
• Errenteriako Azoka (2000).
• Aste Nagusiko Azoka. Donostia (2000-01-02-03).
• San Tomaseko azoka. Donostia (2000-01-02-03)
• Eta abar.

Irakasle lanak

• Duela zenbait urtetik hona, ZERAMIKA, LORE PRENTSATU eta LORE LEHORREI buruzko eskolak ematen ditu Catalina de Erauso Elkartean.
• Zenbaitetan, ZERAMIKA, TAPIZ eta LOREEI buruzko eskolak eman izan ditu Tolosan, Astigarragan eta Irunen.
• Irungo Udal Eskolan, zeramikari buruzko ikastaro bat eman zuen 1992ko udan.
• Irungo Udal Eskolan, zeramikari buruzko ikastaro bat eman zuen 1992ko udan.
• KUTXAko (Donostia) AULA 3n (hirugarren adinekoentzat), lore prentsatuei buruzko ikastaro bat eman zuen (1996-97-98-99-01-02-03-04).
• KUTXAko AULA 3n, zeramikari buruzko ikastaro bat eman zuen (2002-03-04).
• Zumaiako Kultur Etxean, lore prentsatuei buruzko ikastaro bat eman zuen (1999).