BOLADUAK

Edari industrial modernoak agertu baino lehen, boladuen ura edanez itzaltzen zuen jendeak egarria.

Oraindik badira boladu horietakoak egiten dituzten gozogile artisau batzuk.

Boladuak egiteko, lehenik eta behin paperezko moldeak prestatu behar dira.

Ondoren, zuringoak eskuz irabiatu, eta elur punturaino iristen direnean, limoizko esentziaren tanta batzuk erasten zaizkie.

Jarraian, ur eta azukre beroko kobrezko ontzi batera bota behar da orea, eta 132 graduetara iristean, bola puntua izenekora heltzen da; hau da, azukrezko belakia sortzen da.

Krema oraindik bero dagoela, bola puntuan, moldeetara isurtzen da, eta laster batean hasten dira boladuak hazten eta puzten.

Minutu pare batean gogortutakoan, prest egongo dira jateko.

Boladuen ur freskoa, uda parteko hilabeteetako edaririk ohikoenetarikoa izan da urtetan zehar, eta, gainera, sendagileek ere sarritan aholkatzen zieten gaixo, haur eta zaharrei.

Gure zaharrek oraindik ere gogoan dauzkate boladu tradizional horiek edaten zituzten festa eta erromeriak.

Zure iritzia / Su opinión
euskonews@euskonews.com