PROZESUA

Materialak

Material ugari erabiltzen ditu bere lan kaligrafikoen euskarri gisa: pergaminoak, paper pergaminotuak, marmoleztatuak, mota ezberdinetako kartoi meheak, tintak (tenpera bereziak), “gesso” delakoa -hizkiak erliebean egiteko nahasketa bat, karearen sulfatoz, azukrez, arrainaren isatsez eta ur distilatuz egina-, kolak, zabalera eta mota ezberdinetako zinta itsaskorrak, etab. Material hauek guztiak Paris eta Madrilgo denda espezializatuetan erosten ditu.

Koloreak.

Tresnak

Luma muturren bilduma handi bat du -ingelesak dira asko-, bisturiak, ebakitzaileak, guraizeak, erregelak, ordenagailua, etab.

Noizean behin berak egiten ditu tresnak. Inguruan kanabera batzuk bildu, punta atera, eta lanerako erabiltzen ditu.

Erabiltzen dituen elementuak deskribatu ditugunez, ikus dezagun orain, labur-labur, nolakoa izaten den prozesua:

Erremintak.

Prozesua

1. Bezeroaren eta artisauaren artean, zer egingo duen zehazten dute: neurria, mota, edukia, prezioa, etab.

2. Zehazki zer egin finkatu ostean, Idoiak zirriborro bat egiten du paperean, 1:1 eskalan, eta bezeroari erakusten dio, bere onespena eman dezan. Normalean gauza gutxi aldatu behar izaten du, baina, noizean behin, hitz edo irudi jakin baten ordez beste bat sartzera erabakitzen dute.

Erdi Aroko kopia bat erreproduzitzen.

3. Zirriborroa amaituta daukanean, mahai argiztatu baten gainean jarri, eta paperean dagoena margotu eta idazteari ekiten dio. Ez du paperaren gainean ezertxo ere marratzen, markak uzteaz gain distira galduko lukeelako; horregatik, mahai argiztatuan jarrita, zuzenean euskarrian egiten du lana.

4. Lana sinatu, data ipini eta argazki bat atera.

5. Egindako lana bezeroari eman.