 | Sarrera |
| Historia |
| Artisaua |
| Produktuak |
| Prozesuak |
| Prezioak |
ARTISAUA
Salvador Sánchez Morales 1949ko maiatzaren 22an jaio zen Villa del Ríon (Kordoban), eta bost anaietatik laugarrena da.
1949an haren aita, Juan Sánchez, familiarekin Gasteizera etorri zen. Bertan hargin gisa lan egin zuen Uribarriko presan. Haren seme nagusia, Juan, Eibarrera joan zen lanera; hori dela eta, 1955ean, Salvadorrek 6 urte zituela, familia osoa Eibarrera joan zen.
Salvadorrek Eibarko Eskola Publikoetan ikasi zuen eta 14 urterekin Luis Vergara Camiñoren tailerrean sartu zen ikastun, anaia nagusiak lan egiten zuen tailer berean.
18 urterekin Gaspar Areizagaren tailerrean hasi zen grabatzaile. Soldadutzaren ostean, Grabados Aramberri tailerrean sartu zen. Handik urtebetera bazkide batekin, Manuel López Reyrekin, Eibarko Txirio-kaleko lokal batean –lehenago Luis Vergararena izan zena– ireki zuen bere tailerra. 15 urteren ondoren, bere kabuz lan egiteko Eibarko Aubixa auzoko lokal batera aldatu zen. Handik denbora batera Vicente Alberdi sartu zen bazkide, eta harekin partekatu zuen tailerra hamaika urtez. Baina aldi horren ostean, 2000. urtean berriz bakarrik geratu zen.
2005ean lokalez aldatu zuen eta Eibarko Oataola etorbideko 27 zenbakiko 4.ean duen egungo tailerrean hasi zen lanean.
Alicia Manzanorekin ezkondu zen eta bi seme-alaba izan ditu: neska bat, Virginia (1977an jaioa eta bi biloba eman dizkiona), eta mutil bat, Oscar (1988 jaioa, ezkongabea). Bai neskak bai mutilak Salvadorrekin tailerrean egiten dute lan.
Salvador Sánchez Morales
Otaola etorbidea, 27 - 4º
20600 EIBAR / GIPUZKOA
Tel. 943 70 06 38
Posta: grabadossanchez@telefonica.net
euskonews@euskonews.com
