 |
Sarrera |
|
Historia |
|
Artisaua |
|
Produktuak |
|
Prozesua |
|
Tresnak |
|
Prezioak |
ARTISAUA
Gure artisaua Donostian jaio zen, 1965eko otsailaren 3an. Lehen eta bigarren mailako ikasketak egin ostean, Euskal Herriko Unibertsitateak Bilbon duen Arte Ederren Fakultatean hasi zen ikasten. Hirugarren mailan zihoanean, espezialitatea aukeratzeko unea iritsi, eta pintura eta zaharberritzea hartu zituen. Orduantxe hasi zen mihise gaineko pinturak eta tailuak zaharberritzen ikasten (koadroak, erretaulak, etab.).
 |
| Beati Theodoreti Episcopi liburua, XVIII. mendekoa, zaharberritu baino lehen. |
Karrera amaitutakoan, Gipuzkoako Foru Aldundiak Italian agiriak (papera eta pergaminoa) zaharberritzen ikasteko beka bat eman zion, eta, horrela, bi urte eman zituen Florentzian, 1988tik 1990era. Bertan gertu-gertutik ikasi zituen papera zein pergaminoa zaharberritu eta kontserbatzeko teknikak.
Donostiara 25 urterekin itzuli zenean, Gipuzkoako Foru Aldundiak Tolosako Artxibo Orokorrean agiriak zaharberritzeko sortu berria zuen laborategian hasi zen lanean, beste bi zaharberritzailerekin batera (María Aramendi eta Garbiñe Erdocia). Laborategi hau Madrilgo Beni Barbachano enpresak muntatu zuen. 1992ra arte egon zen bertan, harik eta Aldundiak zerbitzu hori lehiaketara atera zuen arte. Hain zuzen ere Beni Barbachano enpresari esleitu zitzaion zerbitzua.
Urte horretatik aurrera, Henar Peso bere kontura jarri zen lanean, autonomo gisa. Asmo horrekin, zaharberritze lanak egiteko tailer bat zabaldu zuen bere etxean, eta bertan darrai gaur egun ere.
 |
| Aurrekoa zaharberrituta. |
Bere bezeroak Foru Aldundiak, udalak, liburutegiak, antigoalekoen merkatariak eta partikularrak dira.
Zaharberritzen ikasteko ikastaroak ematen ditu. Ikastaro hauek batik bat koadernatzaileei zuzenduta egoten dira, eta zaharberritzearen oinarriak irakasten dizkie.
Henar Peso Delgado
C/ San Roque 70 - 2º izq.
20009 Donostia
Tel. 943 464632 / 626 765923
E-mail: henarpeso@gmail.com
